नेपालको शानदार जित प्रिमियर कपको पहिलो खेलमा

७ बैशाख २०८०, बिहीबार

नेपालले शानदार जितको सुरुवात एसिसी मेन्स प्रिमियर कप क्रिकेट प्रतियोगितामा गरेको छ।कीर्तिपूर स्थित त्रिवि मैदानमा भएको खेलमा नेपालले मलेसियालाइ ६ विकेटले हराएको छ।

 

३६ रनको लक्ष्य पछ्याएको नेपालले ३६.२ ओभरमै ४ विकेटको क्षतिमा लक्ष्य पूरा गरेको हो।

नेपालका लागि भीम सार्कीले सर्वाधिक ७१ रन बनाए भने कुशल मल्लले बिस्फोटक ब्याटिङ गरे।

उनले ४० बलमा ५ चौका र ५ छक्काको मद्दतमा ७० रन बनाए। जवाफी ब्याटिङ गरेको नेपालले पहिलो ओभरमै ओपनर आशिफ शेखलाई १ रनमा गुमाएको थियो।त्यसपछि कुशल भुर्तेलले ब्याटिङलाई लयमा ल्याएका थिए। ३८ रन बनाएर भुर्तेल पेबेलियन फर्किएपछि नेपाललाई सुरूआती दबाब भएको थियो।पछि कप्तान रोहित कुमार पौडेल र भीम सार्कीले ब्याटिङलाई लयमा फर्काए। पौडेलले ४२ रनको योगदान गरे भने सार्कीले अर्धसतकीय पारी खेले।

वैशाख ८ मा नेपालले दोस्रो खेल ओमनसँग कीर्तिपूर स्थित त्रिवी मैदानमा खेल्ने छ। नेपलको टिममा ओमन, कतार ,अलेसिया,र साउदी अरेबिया छन। अर्को टिममा युएइ, हङकङ, कुवेद, सिङगापूर र बहराइन छन। यो समुहका शीर्ष टिम सेमिफाइनलमा पुग्ने छ्न। वैशाख १६ अते सेमिफाइनल र वैशाख १८ गते फाइनल हुनेछ। यो प्रतियोगिताको विजेता टिम आगामी सेप्टेम्वरमा हुने एसिया कपका लागि छनोट हुनेछ।