आज हावाहुरी र मेघगर्जन सहित क्षणिक वर्षाको सम्भावना

८ बैशाख २०८०, शुक्रबार

हाल देशमा पश्चिमी वायुका साथै स्थानीय वायुको प्रभाव रहेको छ । उक्त प्रभावले सुदूरपश्चिम, कर्णाली, लुम्बिनी र गण्डकी प्रदेशलगायतअन्य पहाडी भू–भागमा आंशिकदेखि सामान्यतया बदली रहने छ ।

तराइका केहि स्थानहरुमा हावाहुरिका साथै सुदुरपश्चिम, कणाली, लुम्बिनी र गण्डकी प्रदेशका पहाडी भू-भागका केहि स्थानहरुमा र देशका बाकी भू-भागका थोरै स्थानमा मेघगर्जन\चट्याङसहित क्षणिक वर्षाको सम्भावना रहेको जल तथा मौसम विज्ञान विभागले जनाएको छ।

दिउँसो सुदूरपश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेश लगायत अन्य पहाडी भू-भागमा आंशिक देखी सामान्यतया बदली रही बाँकी भू-भागमा आंशिक बदली देखि मौसम सामान्यतया सफा रहनेछ।

राति देशका पहाडी भू–भागमा आंशिकदेखि सामान्यतया बदली रही बाँकी भू–भागमा मौसम सामान्यतया सफा रहने छ । पहाडी भू–भागका थोरै स्थानमा मेघगर्जन/चट्याङसहित हल्का वर्षाको सम्भावना छ ।

मेघगर्जन, चट्याङ र हावाहुरीबाट क्षति हुन नदिन आवश्यक सतर्कता अपनाउन महाशाखाले अनुरोध गरेको छ।