मोटरसाइकल दुर्घटना हुँदा दुईको मृत्यु

२१ बैशाख २०८०, बिहीबार

मकवानपुरमा मोटरसाइकल दुर्घटना हुँदा दुई जनाको मृत्यु भएको छ।बागमती प्रदेश ०२–०२० प ४२३७ नम्बरको मोटरसाइकल भिमफेदी गाउँपालिका–६ जुरिखेतमा दुर्घटनामा हुदा दुई जनाको मृत्यु भएको हो।

जिल्ला प्रहरी कार्यालय मकवानपुरका प्रहरी नायब उपरीक्षक एवम् प्रवक्ता टेकबहादुर कार्कीका अनुसार बुधबार साँझ काठमाडौँबाट हेटौँडातर्फ जाँदै गरेको अवस्थामा मोटरसाइकल अनियन्त्रित भई दुर्घटना भएको थियो । पर्सौनी नगरपालिका–५ बाराका २५ वर्षीय लाल बाबु सहनी र २० वर्षीय रवीन्द्र मण्डलको सो दुर्घटनामा परी मृत्यु भएको छ।