नेसपाको केन्द्रीय समिति बैठक आजदेखि भक्तपुरमा सुरु हुँदै

२५ जेष्ठ २०८०, बिहीबार

नेपाल समाजवादी पार्टीको केन्द्रीय समिति बैठक बाबुराम भट्टराईको नेतृत्वमा आजबाट सुरु हुने भएको छ । बैठक लोकन्थलीको एक पार्टी प्यालेसमा बिहान ११ बजे बस्न लागेको हो ।

आज र भोलि २ दिन चल्ने बैठकमा पछिल्लो राजनीतिक अवस्थाको समीक्षा गर्दै पार्टीको आगामी योजना तथा कार्यक्रमबारे निर्णय गरिने बताइएको छ।

बैठकमा अध्यक्ष बाबुराम भट्टराईले ‘अबको राष्ट्रको संकल्प: नयाँ समाजवादी विकल्प’ शीर्षकको २३ पृष्ठ लामो राजनीतिक प्रतिवेदन पेस गर्नेछन्।

यसका साथै सांगठनिक प्रस्ताव पनि बैठकमा पेस हुनेछ। पार्टीको विधान मस्यौदाको तयारीबारे पनि छलफल हुने बताइएको छ।