बागलुङमा जीप दुर्घटना, २ को मृत्यु

६ असार २०८०, बुधबार

बागलुङमा जीप दुर्घटना हुँदा दुई जनाको मृत्यु भएको छ ।

आज बिहान ८ बजे गलकोटबाट मार्केटिङको सामान बोकेर जाँदै गरेको ग १ च ९४८५ नम्बरको जीप मध्यपहाडी लोकमार्गमा पर्ने काठेखोला गाउँपालिका- ५ ठूलढुंगामा दुर्घटना भएको जिल्ला प्रहरी कार्यालय बाग्लुङले जनाएको छ।

दुर्घटनाग्रस्त जीप सडकबाट पाँच सय मिटर तल खसेको र भीर भएका कारण मृतकको उद्दारमा समस्या रहेको प्रहरीले बताएको छ।

मृत्यु हुनेहरूमा कुश्मा नगरपालिका-१ बागलुङ २९ वर्षीय राजेन्द्र माझी र जैमिनी नगरपालिका-१० राङखानी घर भइ बागलुङ नगरपालिका-२ श्रीनगर बस्ने दुर्गा पौडेल छन्।

दुवै जनाको घटनास्थलमै मृत्यु भएको हो,दुर्घटना के कारणले भएको हो भन्ने बारे थप अनुसन्धान भईरहेको प्रहरीले जनाएको छ।