भोटेबहालमा इनारमा डुबेर दुईजना युवाको मृत्यु

११ असार २०८०, सोमबार

काठमाडौँ – काठमाडौँको भोटेबहालमा इनारमा डुबेर दुईजनाको मृत्यु भएको छ । झापा घर भएका ३६ वर्षीय दिपेन लिम्बु र सिन्धुली घर भएका २२ वर्षीय जितेश गुरुङको मृत्यु भएको जिल्ला प्रहरी परिसर काठमाडौँले  जनाएको छ।

पानी चाहिएकाले इनारमा मोटर जोड्नका लागि जाँदा मोटर इनारभित्र खसेको र मोटर लिन गएका दुवै जना इनारभित्रै बेहोस भएको र मृत्यु भएको प्रहरीले जनाएको छ ।

दिपेन सुरुमा इनारमा पसेका थिए। दिपेनलाई बचाउन त्यसपछि जितेश इनारमा गएका थिए ।उनीहरूको निसासिएर मृत्यु भएको प्रारम्भिक अनुसन्धानमा देखिएको जिल्ला प्रहरी परिसर काठमाडौँले  जनाएको छ।