Home  
Janahit Voice

सरकारी शिक्षक सरह निजी स्कूलका शिक्षकलाई तलब सुविधा दिन मेयर बालेनको निर्देशन

१४ असार २०८०, बिहीबार

काठमाडौं – महानगरपालिकाका मेयर बालेन शाहले निजी विद्यालयले पनि सरकारी स्कूल सरह शिक्षकहरूलाई तलब भत्ता दिनुपर्ने जनाएका छन् ।

शिक्षा ऐन, २०२८ को दफा १२ (७) (छ) मा संस्थागत विद्यालयको शिक्षकलाई पनि नेपाल सरकारले तोकिदिएको तलब स्केल नघटाई तलब दिनुपर्ने भनी उल्लेख भएकाले सोही अनुसार गर्न निर्देशन दिएका हुन्।

‘काठमाडौं महानगरपालिकामा संस्थागत (निजि) विद्यालयको शिक्षकहरूको तलब सामुदायिक विद्यालयको भन्दा न्यून भएको गुनासो आउने गरेको छ। तर ‘शिक्षा ऐन, २०२८’ को दफा १२(७)(छ) मा संस्थागत विद्यालयको शिक्षकलाई पनि नेपाल सरकारले तोकिदिएको तलब स्केल नघटाई तलब दिनुपर्ने भनी उल्लेख गरिएको छ।

यस्तै काठमाडौं महानगरपालिका विद्यालय शिक्षा व्यवस्थापन नियमावली, २०७४ को नियम ६८ मा शिक्षक तथा कर्मचारीको तलब भत्ता, निवृत्तिभरण, उपदान लगायतका अन्य सुविधा खाइपाइ आएकोमा नघट्ने गरी संघीय शिक्षा कानूनमा तोकिए बमोजिम हुने उल्लेख गरिएको छ।

सोही बमोजिम काठमाडौं महानगरपालिकाका सामुदायिक विद्यालयका शिक्षकहरूले प्राप्त गर्ने निम्न अनुसारको तलब सुविधा संस्थागत विद्यालयको शिक्षकलाई पनि प्राप्त गराउन काठमाडौं महानगरपालिकाका सम्पूर्ण संस्थागत विद्यालयहरूलाई सूचित गरिन्छ,’ मेयर बालेनले  भनेका छन्।

सार्वजनिक तलब स्केलअनुसार माध्यामिक प्रथम श्रेणी सुरु तलब ५६ हजार ७८७, माध्यामिक दोस्रो श्रेणी ४८ हजार ७३७, माध्यामिक तृतीय श्रेणी ४३ हजार ६८९, निम्न माध्यामिक तक प्रथम श्रेणी ४५ हजार ८६२, द्वितीय श्रेणी ४३ हजार ६८९, तृतीय श्रेणी ३४ हजार ७३० रहेको छ ।

यस्तै, प्राथमिक तह प्रथम श्रेणी ४३ हजार ६८९, द्वितीय श्रेणी ३४ हजार ७३० र तृतीय श्रेणी ३२ हजार ९०२ रुपैयाँ रहेको छ ।

उनले तोकिए अनुसारको तलब सुविधा प्राप्त नभएमा काठमाडौँ महानगरपालिका शिक्षा विभागमा सम्पर्क गर्न अनुरोध गरेका छन् ।
निम्न अनुसारको तलब सुविधा प्राप्त नभएमा काठमाडौं महानगर पालिका शिक्षा विभागमा सम्पर्क गर्न पनि उनले भनेका छन्।

 

Gomama Infotech
Gomama Infotech
Gomama Infotech


Janahit Voice is now on the test...!



Leave a Reply

Your email address will not be published. Required fields are marked *