निउरो टिप्न गएका वृद्ध जंगली जनावरको आक्रमणबाट मृत फेला

५ श्रावण २०८०, शुक्रबार

जंगली जनावरको आक्रमणबाट बाघमारा सामुदायिक वनमा निउरो टिप्न गएका एक वृद्धको  मृत्यु भएको छ।

मृत्यु हुनेमा रत्ननगर नगरपालिका–६ का ७५ वर्षीय नवराज अधिकारी रहेका छन। उक्त वनमा बिहीबार निउरो टिप्न गएका थिए। साँझसम्म पनि घर नफर्किएपछि खोजतलास गर्नेक्रममा उनी मृत अवस्थामा भेटिएका हुन्।

मृत अधिकारीको शरीरका विभिन्न भागमा चोट लागेको छ। उनको शरीरमा लागेको चोट र घटनास्थलको प्रकृती हेर्दा जंगली जनावरको आक्रमणबाट मृत्यु भएको जस्तो देखिएको जिल्ला प्रहरी कार्यालय चितवनले बताएको छ।