सामाखुसीको नालामा खसेर बेपत्ता बालक अझै फेला परेनन्

८ श्रावण २०८०, सोमबार

काठमाडौं – काठमाडौंको सामाखुसीको नालामा खसेर   बेपत्ता  भएका बालक अझै फेला परेका छैनन् ।

सामाखुसी घर भई पानीपोखरीको भानुभक्त मेमोरियल स्कुलमा कक्षा ६ मा पढ्ने १३ वर्षीय साजन मगर बेपत्ता भएको जिल्ला प्रहरी परिसर काठमाडौंले जानकारी दिएको छ।

आइतबार अपराह्न साढे ४ बजे घरबाट फुटबल खेल्न भनेर साजन र अर्का एक जना बालक निस्किएका थिए। नालामाथि स्ल्याबहरू राखिएको भए पनि जहाँ स्ल्याब थिएन, त्यही ठाउँबाट बालक खसेको प्रहरीले जनाएको छ।

उनि घरबाट  खेल्न भनेर निस्किएका थिए । पानी ठूलो परेकाले भेल आएको थियो। त्यही नालाको खाल्डोमा परेर बगाएको बताइएको छ।

प्रहरीको विपद व्यवस्थापन लगायत विभिन्न निकायको टोलीले उक्त बालकको खोजी गरिरहेको छ।