पुलबाट नारायणी नदीमा हामफालेकी महिलाको उपचारकाक्रममा मृत्यु

१८ श्रावण २०८०, बिहीबार

बिहीबार विहान नारायणी पुलबाट नदीमा हामफालेकी महिलाको उपचारकाक्रममा मृत्यु भएको छ।

अन्दाजी ४५ वर्षकी महिला विहान पौने ८ बजेतिर नारायणगढस्थित नारायणी पुलबाट हामफालेको केहीबेरमा उद्धार गरिएको थियो।

वडा प्रहरी कार्यालय नारायणगढका प्रहरी निरीक्षकको नेतृत्वमा विपद व्यवस्थापन टोलीले ती महिलाको उद्धार गरि चितवन मेडिकल कलेजमा उपचारका  लागि लगिएको थियो ।

उनको उपचारकाक्रममा मृत्यु भएको जिल्ला प्रहरी कार्यालय चितवनले जनाएको छ।

यसअघि साउन १० गते विहान पनि एक जना महिला यही पुलबाट नदीमा हामफालेकी थिइन्।  उनलाइ ३ दिनपछि मृत अवस्थामा भेटिएको थियो।