न्यायाधीशका पिएसओको पेस्तोल चोरी गर्ने २ जना पक्राउ

२१ श्रावण २०८०, आईतवार

कठमाण्डौं – सर्वोच्च अदालतका न्यायाधीश नहकुल सुवेदीका पिएसओ सई प्रभाकर खड्काको पेस्तोल चोरी गरेको आरोपमा दुई जना पक्राउ परेका छन्।

पक्राउ पर्नेमा सिन्धुपाल्चोकका २१ वर्षीय बासुदेव थामी र सिन्धुलीका २७ वर्षीय मेगबहादुर तामाङ रहेका छन। उनिहरुलाई गत शुक्रबार  चोरी आरोपमा पक्राउ गरेको जिल्ला प्रहरी परिसर काठमाडौंले जनाएको छ।

उनीहरूले कागेश्वरी मनोहरा नगरपालिका-१ गागलफेदीस्थित खड्काको घरमा गत असार ३० गते पेस्तोल चोरी गरेको आरोप छ।

प्रहरीले घटनाको अनुसन्धान अघि बढाएको बताएको छ।