रसुवाबाट २ किलो सुनसहित २ जना पक्राउ

४ भाद्र २०८०, सोमबार

काठमाडौं – नेपाल प्रहरीले रसुवाबाट २ किलो सुन बरामद गरेको छ। शनिबार जिल्ला प्रहरी कार्यालय, रसुवाले गरेको नियमित चेकका क्रममा लुकाएर ल्याएको २ किलो सुन साँझ बरामद गरेको हो। प्रहरीले सुनसहित २ जना लाइ पक्राउ गरेको हो।

टिमुरेबाट स्याफ्रु पैदल आउँदै गरेका सुदीप शेर्पाको साथबाट प्रहरीले बरामद गरेको हो। नियमित जाँच चेकिङका क्रममा सुन फेला परेको हो।

पक्राउ पर्नेमा भोटेकोशी- ५ का २४ वर्षीय सुदीप शेर्पा र भोटेकोशी-१ का ३० वर्षीय फुर्साङ्बु शेर्पा रहेका छन।

बरामद भएको सुन परीक्षण गरेर आवश्यक कारबाहीका लागि राजश्व अनुसन्धान विभाग, ललितपुर पठाएको प्रहरीले बताएको छ।