अभिनेत्री निरूता सिंहले सञ्जीभ गुलाटीसँग कसिन लगनगाँठो

१७ भाद्र २०८०, आईतवार

काठमाण्डौं- लामो समय नेपाली फिल्म जगतको सर्वधिक सफल अभिनेत्रिका रुपमा चर्चित रहेकी अभिनेत्रि निरुता सिंह विवाह बन्धनमा बाधिएकी छिन। उनले मुम्बईका सञ्जीभ गुलाटीसँग लगनगाँठो कसेकी हुन्।

शनिबार सामाजिक सञ्जाल फेसबुकमा स्टाटस लेख्दै उनले गत अगस्ट ३१ मा गुलाटीसँग बिहे गरेको जानकारी दिएकी हुन्।

‘यतिका वर्षदेखिको एक मात्र प्रश्न, जसको बिना मेरो कुनै पनि अन्तर्वार्ता पूर्ण हुँदैन थियो। त्यो हो …’निरूता जी बिहे कहिले गर्ने?’ भन्ने प्रश्न। आज त्यसै प्रश्नको जवाफ दिन गइरहेको छु।तपाईंहरूको निरूता सिंहले गत बिहीबार अगस्ट ३१, २०२३ को दिन मुम्बई निवासी श्री संजीभ गुलाटीसँग लगनगाँठो जोडेको छ। हजुरहरू सम्पूर्णको माया अनि आशीर्वादको अपेक्षा गरेको छु,’ उनले भनेकी छन्।

यसका साथै चाँडै नेपाल आउने समेत उनले वाचा गरेकी छन्।

दार्जलिङमा जन्मेकी सिंहले नेपाली सिने क्षेत्रमा सन् १९९३ मा फिल्म दक्षिणाबाट डेब्यू गरेकी थिइन्। उनले ५० भन्दा बढी नेपाली फिल्ममा अभिनय गरिसकेकी छन्। दर्पण छाया, सिउँदोको सन्दुर, ठूल्दाइ, नाइँ नभन्नू ल ५ उनका हिट फिल्म हुन्।

अहिले उनलाइ सुभचिन्तक तथा फिल्म कर्मीहरुले सामाजिक सञ्जाल मार्फत बैवाहिक जिबनको सुभकामना दिइरहेका छन।

Niruta Singh FB