६० किलो सुन प्रकरण: थप १ जना पक्राउ

२२ भाद्र २०८०, शुक्रबार

काठमाडौँ- केन्द्रीय अनुसन्धान ब्युरोले ६० किलो सुन प्रकरणमा थप एक जनालाई पक्राउ गरेको छ । पक्राउ पर्नेमा बारा घर भएका शिव कुमार सराफ रहेका छन।

राजस्व अनुसन्धान विभागले त्रिभुवन अन्तर्राष्ट्रिय विमानस्थलबाट साउन ३ मा बरामद गरेको सुनको तस्करी गरेको आरोपमा हालसम्म पक्राउ पर्नेको सङ्ख्या २७ पुगेको छ ।

राजस्वले सुन तस्करीबारे अनुसन्धान गर्न साउन २१ मा सिआईबीलाई जिम्मेवारी दिएको थियो ।

सुन काण्डमा सराफको भुमिका के थियो भन्ने विषयमा प्रहरीले थप अनुसन्धान गरिरहेको छ। सराफलाई म्याद थपका लागि शुक्रबार नै अदालत उपस्थित गराउने तयारी गरेको छ।