दार्चुलाबाट ९ किलो चरेससहित दुईजना पक्राउ

२६ भाद्र २०८०, मंगलवार

दार्चुला- लागुऔषध चरेससहित प्रहरीले दार्चुलाबाट 2 जनालाई पक्राउ गरेको छ।

पक्राउ पर्नेमा बैतडीको पुर्चौडी नगरपालिका– ४ भटनाकी ३५ वर्षीया भावना धामी र सोही ठाउँका ४४ वर्षीय जयबहादुर धानुक रहेका जिल्ला प्रहरी कार्यालय दार्चुलाले जानकारी दिएको छ।

विशेष सूचनाको आधारमा इलाका प्रहरी कार्यालय गोकुलेश्वर र जिल्ला प्रहरी कार्यालय दार्चुलाबाट खटिएको टोलीले चेकजाँच गर्दा उनीहरूको साथबाट आठ किलो आठ सय ५० ग्राम चरेस बरामद भएको बताइएको छ।

धामीको साथबाट ६ किलो र धानुकको साथबाट दुई किलो आठ सय ५० ग्राम चरेस बरामद गरिएको छ। दुवैजनालाई नियन्त्रणमा लिएर थप अनुसन्धान भइरहेको प्रहरीले जनाएको छ।