रामेछापमा बस दुर्घटना हुँदा ७ जना घाइते

२७ भाद्र २०८०, बुधबार

काठमाडौं – रामेछापमा बस दुर्घटना हुँदा ७ जना घाइते भएका छन्।

रजनटारबाट काठमाडौं जाँदै गरेको बा ३ ख ५९६० नम्बरको बस बुधबार बिहान सुनापति गाउँपालिका-३ मा दुर्घटना भएको जिल्ला प्रहरी कार्यालय रामेछापले जनाएको छ।

प्रहरीका अनुसार दुर्घटनामा ७ जना घाइते भएका छन्। घाइतेमध्ये ३ जनालाई एम्बुलेन्स र ४ जनालाई सुमोमा काठमाडौंतर्फ उपचारका लागि पठाइएको छ। प्रहरीले चालकलाई नियन्त्रणमा लिएर आवश्यक अनुसन्धान गरिरहेको छ।

बस आफैं अनियन्त्रित भएर दुर्घटना भएको प्रारम्भिक अनुसन्धानमा खुलेको छ।