बारामा अज्ञात समूहद्वारा प्रधानाध्यापकमाथि गोली प्रहार

१३ कार्तिक २०८०, सोमबार

काठमाडौं- बाराको कलैयामा रहेको बाल एकता बोर्डिङ स्कुलका प्रधानाध्यापकमाथि गोली प्रहार भएको छ।

प्रधानाध्यापक रुपेश स्वर्णकारमाथि अज्ञात समूहले टाउको र छातीमा गोली हानेको प्रहरीले जनाएको छ।

बाल एकता बोर्डिङ स्कुलनजिकै मदर्सा टोलमा सोमबार दिउँसो करिब सवा १ बजेतिर स्वर्णकारमाथि गोली प्रहार भएको स्रोतको भनाइ छ। बारा प्रहरीका अनुसार स्वर्णकारको टाउको र छातीमा गोली प्रहार गरिएको छ।

गोली लागेर घाइते भएका स्वर्णकारलाई कलैया प्रादेशिक अस्पतालमा उपचार गराएर थप उपचारका लागि वीरगञ्ज लगिएको छ। गोली चलाउने समूहको खोजी भइरहेको प्रहरीले जनाएको छ।