सिंहदरबारमा मन्त्रिपरिषद् बैठक जारी ,संसद अधिवेशन अन्त्य हुँदै

१६ कार्तिक २०८०, बिहीबार

काठमाडौं- मन्त्रिपरिषद्को बैठक सुरु भएको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा बैठक बसेको हो ।

बैठकबाट संसद्को चालु अधिवेशन अन्त्यको सिफारिस गर्ने सम्भावना छ । मन्त्रिपरिषद्को सिफारिसमा राष्ट्रपतिले संसद् अधिवेशन अन्त्य गर्ने व्यवस्था छ ।

यसअघि बुधबार प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफलमा आजदेखि संसदको अधिवेशन अन्त्य गर्ने सहमति भएको थियो।

आज प्रतिनिधिसभामा सबै दलका प्रमुखहरुले सम्बोधन गर्ने, सांसदहरू शून्य समयमा बोल्ने र केही आयोगका प्रतिवेदन पेस हुने कार्यक्रम रहेको छ।

संसद बैठक बिहान ११ बजेका लागि आह्वान गरिएको छ।