करका दरमा चलखेल नभएको अर्थमन्त्रीको प्रष्टीकरण

२३ जेष्ठ २०८०, मंगलवार

अर्थमन्त्री डा. प्रकाशसरण महतले आगामी आर्थिक वर्षको बजेट बनाउँदा आर्थिक विधेयकमा चलखेल नभएको बताएका छन् । मंगलबार प्रतिनिधिसभामा जवाफ दिँदै अर्थमन्त्री डा. महतले १४ गते राती अनधिकृत व्यक्तिले करका दरमा चलखेल गरेको विषय आधारहीन भएको बताएका हुन् ।

प्रतिनिधि सभाको आजको बैठकमा विभिन्न दलका सांसदहरूका प्रश्नको जवाफ दिँदै अर्थमन्त्री महतले यसअघिका अर्थमन्त्रीले आवश्यकताकै आधारमा एक पूर्वकर्मचारीलाई नियुक्ति दिएको र उनले इन्ट्रीको काम मात्रै गरेको बताए।

‘उहाँले वर्षौंदेखि लगातार यो काम गरिरहनुभएको छ। मभन्दा अगाडीका अर्थमन्त्रीले पनि उसको आवश्यकता छ भनेर नै उहाँलाई नियुक्ति गर्नुभयो। कोर्डलगायतको विज्ञता भएको हुनाले उहाँले कर्मचारीकै रूपमा सहयोगीको भूमिका निर्वाह गर्नुभयो। उहाँ निर्णय प्रक्रियामा हुने त कुरै भएन,’ उनले भने।गोप्य निर्णय गर्ने ठाउँमा ती कर्मचारी नभएको उनले बताए। ‘उनले इमान्दारितामा आफू एक इन्च पनि नहल्लिएको बताए। ‘इमान्दारितामा एक इच्च पनि, एक रौं पनि कहीँकतै हल्लिएको छैन।