कालीकोटमा जिप दुर्घटना हुँदा तीन जनाको मृत्यु

२८ जेष्ठ २०८०, आईतवार

काठमाडौं – कालीकोटमा जिप दुर्घटना हुँदा तीन जनाको मृत्यु भएको छ ।

लु १ च८४९८ नम्बरको डबल क्याप जिप शनिबार राति साढे ११ बजे शुभकालिका गाउँपालिकाको चौकी बजारबाट हाउडी आउँदै गर्दा वडा नम्बर ६ चिसापानीमा दुर्घटना भएको हो।

जिल्ला प्रहरी कार्यालय कालीकोटका अनुसार जिप सडकबाट १५० मिटर तल खसेको छ।

दुर्घटनामा परी तीन जनाको मृत्यु भएको छ। मृत्यु हुनेहरूमा जिपका चालक शुभकालिका – २ भर्ताका ३० वर्षीय हर्के कामी, वडा नं. ८ का ३१ वर्षीय रामबहादुर शाही र दैलेख नौमुलेका २५ वर्षीय गोपाल सलामी मगरको मृत्यु भएको जिल्ला प्रहरी कार्यालय कालीकोटले जानकारी दिएको छ।

दुर्घटनाबारे थप अनुसन्धान भईरहेको जिल्ला प्रहरी कार्यालय कालीकोटले जनाएको छ।