सुन काण्डमा कांग्रेस सांसदले नै मागे गृहमन्त्री र अर्थमन्त्रीको राजीनामा

१० श्रावण २०८०, बुधबार

काठमाडौं  – नेपाली कांग्रेसकै सांसद  सुनिल शर्माले गृहमन्त्री र अर्थमन्त्रीको राजीनामा माग गरेका छन् ।

बुधबारको प्रतिनिधि सभा बैठकमा बोल्दै उनले त्रिभुवन विमानस्थल भन्सार कार्यालयबाट एक क्वीन्टल सुन बरामद भएको घटनामा भरियामात्र पक्राउ गरेको र मुख्य दोषी पक्राउ गर्न नसकेको भन्दै  गृहमन्त्री र अर्थमन्त्रीको राजीनामा माग गरेका हुन् ।

 

नेपाली कांग्रेस सांसद शर्माले सुन प्रकरणमा भरियालाई मात्रै पक्राउ गरेर घटना ढिसमिस गर्न खोजियो भने प्रधानमन्त्री पुषपकमल दाहाल प्रचण्ड फर्केपछि यो विषय उठाएर सदनमै आमरण अनुशन बस्ने चेतावनी दिएका छन्।