ढुङ्गा प्रहारबाट छोराद्वारा बुबाको हत्या

१३ कार्तिक २०८०, सोमबार

धनगढी- कैलालीमा ढुङ्गा प्रहार गरी छोराले बुबाको हत्या गरेका छन् । गएराति घरायसी विवादमा जानकी गाउँपालिका –३ लायकपुरका गणेश चौधरीले आफ्नो बुबा हीरासिंह चौधरीको हत्या गरेका हुन् ।

छोराको ढुङ्गा प्रहारबाट हीरासिंहको घटनास्थलमै मृत्यु भएको जिल्ला प्रहरी कार्यालय कैलालीले जनाएको छ। बुबाको हत्या गर्ने छोरालाई प्रहरीले नियन्त्रणमा लिएर आवश्यक अनुसन्धान गरिरहेको छ।